சினிமாவில் லாபக்கணக்கு திரையரங்க வசூலை வைத்து மட்டும் தயாரிப்பாளர்கள் கணக்கிடமாட்டார்கள். அந்த லாபக்கணக்கில் பல்வேறு விஷயங்கள் அடங்கியிருக்கிறது. இதில் ரிலீஸுக்கு முந்தைய ப்ரீ ரிலீஸ் பிசினஸ் மிகவும் முக்கியமானது.
இந்த பிசினஸ் விற்பனையை எட்டாமல் தாமதமாகினால் படத்தின் ரிலீஸும் தள்ளிப்போகும். அப்படி இந்த பிசினஸ் நடந்து முடியாததால் பல திரைப்படங்களின் ரிலீஸ் தேதியும் உறுதி செய்யப்படாமல் இருக்கிறது.
ஒரு திரைப்படம் தொடங்கப்பட்டு அது குறித்தான அறிவிப்பு வெளியான பிறகு அப்படத்திற்கான பிசினஸ் அனைத்தும் தொடங்கும்.
அப்படத்தின் ஆடியோ உரிமம், சாட்டிலைட் உரிமம், ஓ.டி.டி உரிமம் போன்ற பல விஷயங்கள் இந்த பிசினஸில் அடங்கியிருக்கிறது.
பெரிய நட்சத்திரங்களின் திரைப்படங்கள் பெரும்பாலும் இப்படியான ப்ரீ ரிலீஸ் பிசினஸில் பெரிய சிரமங்களை சந்திப்பதில்லை.