Kudumbasthan: “பெருளாதார ரீதியாக அந்தப் படம் ஒரு படி மேல ஏத்திவிட்டிருக்கு!'' – ஜென்சன் பேட்டி

எல்லோருமே பாசிடிவ்வாகதான் சொல்றாங்க. இப்போ தியேட்டர் விசிட் என்னால போக முடியல. படத்துக்கு கிடைக்கிற விமர்சனங்களை என்னை மகிழ்ச்சியடைய வைக்குது. பொதுவாக நான் தியேட்டர் விசிட் பெரிதளவுல விரும்பாத ஒரு நபர். நம்ம கொடுத்த உழைப்புக்கு மக்களோட அங்கீகாரம் கிடைக்குது. அதன் பிறகு அடுத்தடுத்த வேலைகளுக்கு நகரத் தொடங்கணும்னுதான் நான் நினைப்பேன்.

செட் ரொம்பவே ஜாலியாக இருந்ததுங்க! இந்தப் படத்துக்காக நான் 30 நாள் ஷூட் போனேன். அந்த 30 நாளும் என் வாழ்க்கையில என்னைக்கும் நினைவுல வச்சுக்கிற மாதிரியான நாட்கள்தான். பிரஷரே இல்லாமல் மகிழ்ச்சியாக வேலைகளை கவனிச்சோம். படம் மிடில் கிளாஸோட வாழ்க்கையை பிரதிபலிக்குது. 20 ஆயிரம் ரூபாயில இருந்து 30 ஆயிரம் ரூபாய்குள்ள சம்பளம் வாங்கிற நிறைய மிடில் கிளாஸ் ஆட்கள் இருக்கிறாங்க. அப்படியானவங்கதான் பெரும்பான்மையாக இருக்கிறாங்க. அதுனாலதான் `குடும்பஸ்தன்’ நவீன் கதாபாத்திரத்தோட பலரும் கனெக்ட் பண்ணிக்க முடியுது. சொல்லப்போனால், நானும் அந்த நவீன் மாதிரிதான். கடன் வாங்கிட்டு மனைவிகிட்ட நவீன் கணக்கு பார்க்கிற மொமென்ட்லாம் என்னுடைய வாழ்க்கைதான். நான் இன்னும் அந்த விஷயங்களை சந்திச்சுட்டுதான் இருக்கேன். ஆனால், லைஃப், கரியர் மாறியிருக்கு. பெருமுச்சு விடுகிற இடத்துக்கு வந்திருந்தாலும் அந்த கனெக்ட் நம்மளவிட்டு போகாதில்லையா….

கிட்டதட்ட அப்படிதான் இருந்தது. ஆனால், எல்லா வேலைகளும் ஈஸியாக முடியல. படம்னா சில சிக்கல்கள் இருக்கத்தானே செய்யும். அப்படியான சிக்கல்கள் இருந்தது. தயாரிப்பாளரும் ரொம்ப உறுதுணையாக இருந்தாங்க. தொடகத்துல இருந்து அவங்களுக்கு இந்தப் படத்தின் மீது நம்பிக்கை இருந்தது.

நான் `நக்கலைட்ஸ்’ டீம்ல கொஞ்ச நாட்கள் இல்ல. அப்போ `மஞ்ச நோட்டீஸ்’ சேனல்ல வீடியோஸ் பண்ணீட்டு இருந்தேன். நாங்க ரியூனியனாக வர்றதுக்கு இந்த `குடும்பஸ்தன்’தான் காரணம். இரண்டரை வருடத்துக்கு முன்னாடி இந்தப் படத்தோட கதையை என்கிட்ட சொன்னாரு. இயக்குநர் ராஜேஷ்வர் ஒரு ஸ்பேஸ் கொடுப்பாரு. அவர் நடிகர்களை ரொம்ப நம்புவாரு. அதுனால திட்டமிடுகிற விஷயங்களை பொறுப்பாக பண்ணனும்னு நமக்குத் தோணும்.

(சிரித்துக் கொண்டே….) இதுதான் கடைசி. இதுக்கப்புறம் வராது. இதற்கடுத்து என்னுடைய 5 படங்கள் வரவிருக்கு. ஐந்துமே வெவ்வேறான கதாபாத்திரங்கள்தான். நான் சரியாக அந்த கதாபாத்திரங்கள்ல நடிச்சிருந்தால் அது உங்களை சப்ரைஸ் பண்ணும். எனக்கு இந்த ஸ்டிரியோடைப் வரலனு நினைக்கிறேன். கடந்த வாரம் சிலர் என்கிட்ட `லப்பர் பந்துதான் உங்களுடைய முதல் திரைப்படமா’னு கேட்டாங்க. ஆன்லைன் ஆடியன்ஸுக்குதான் நான் அதிகளவுல பரிச்சயம். இதைத் தாண்டிய மக்களுக்கு நான் பெரியளவுல பரிச்சயம் கிடையாது. நான் இதுவரைக்கும் பண்ணினது இரண்டு படங்கள்தான்னு அவங்க நினைச்சுட்டு இருக்காங்க. என்னை அவங்க அடையாளப்படுத்துற முதல் திரைப்படம்தான் நான் குடிகாரன் கேரக்டர்ல நடிச்சிருக்கேன். அந்த மக்களுக்கு நான் போய் முதல்ல சேரணும். அதன் பிறகு வெவ்வேறான கதாபாத்திரங்கள் பண்ணலாம்னு யோசிச்சிருந்தேன். ஆனால், எனக்கு தொடக்கத்திலேயே பல வகையான கதாபாத்திரங்கள் வர தொடங்கிடுச்சு. வாழ்க்கையில ஹியூமர் இருக்கு. அதைக் கண்டுப்பிடிக்கக் கத்துக்கணும். லைஃப்லோட மிக அழகான விஷயம் ஹியூமர்தான். அதுல பல வடிவங்கள் இருக்கு. நான் பண்ற ஹியூமர் ஒரு வடிவம்.

ஆமா, எக்கசக்கமாக அந்த மீம்ஸ் வருதே! இப்படி வைரலானது அந்த இயக்குநருக்கு கிடைச்ச வெற்றிதான். அதுல நான் வெறும் கருவி. ஒரு ஸ்பானர் நான் வண்டியை சரி பண்ணிட்டேன்னு சந்தோஷப்படுமா…

என்னுடைய பயணத்தை உறுதிப்படுத்துகிற படமாக `லப்பர் பந்து’ படம் அமைஞ்சது. சினிமாங்கிறது நிலையானது கிடையாதுதானே….`லப்பர் பந்து’ திரைப்படம் அதை நிலையாக மாத்தியிருக்கு. பெருளாதார ரீதியாக அந்தப் படம் ஒரு படி மேல ஏத்திவிட்டிருக்கு. என்னுடைய குடும்பத்துக்கு நம்பிக்கையைக் கொடுத்திருக்கு. நான் ஒவ்வொரு படத்துக்கு எந்தளவுக்கு சிரத்தைக் கொடுத்து வேலை பார்க்கிறேனோ… அதேதான் `லப்பர் பந்து’ படத்துக்கும் போட்டேன்.