Bison: “வாழ்நாள் அனுபவம், ஆன்மாவை வலிமைப்படுத்தியது..” -துருவ் விக்ரம், மாரி செல்வராஜ் சொல்வதென்ன? | Bison Shoot Wrap: What Dhruv and Mari Selvaraj Shared

மாரி செல்வராஜ் இயக்கத்தில் துருவ் விக்ரம் நடித்து வந்த பைசன் (Bison) படத்தின் படபிடிப்பு நிறைவடைந்துள்ளது.

பரியேறும் பெருமாள், கர்ணன், மாமன்னன், வாழை படங்களைத் தொடர்ந்து மாரி செல்வராஜ் இயக்கும் 5-வது திரைப்படம் பைசன் – களமாடன். கபடி விளையாட்டை மையப்படுத்தி இந்தப் படம் குறித்து முன்னதாக அவர், “இது படம் உண்மை மற்றும் புனைவு கலந்த கதையாக உருவாகி வருகிறது” எனக் கூறியிருந்தார்.

துருவ் விக்ரமுடன் அனுபமா பரமேஸ்வரன், ரஜிஷா விஜயன், லால், அமீர், பசுபதி, அனுராக் அரோரா உள்ளிட்டோர் இணைந்து நடித்துள்ளனர்.

ஆதித்யா வர்மா படத்தின் மூலம் நாயகனாக அறிமுகமான நடிகர் விக்ரமின் மகன் துருவ் விக்ரம் மகான் படத்தைத் தொடந்து பைசனில் இணைந்தார். இது அவரது கரியரில் முக்கிய திருப்பமாக அமையும் என்று எதிர்பார்க்கப்படுகிறது.