மேஷம்: குடும்ப வருமானத்தை உயர்த்த முயற்சி மேற் கொள்வீர். பிள்ளைகள் பொறுப்பாக நடந்து கொள்வர். உங்களை சுற்றியிருப்பவர்களில் நல்லவரை கண்டறிவீர். வியாபாரம், உத்தியோகத்தில் ஏற்றம் காண்பீர்கள்.
ரிஷபம்: எதிர்ப்புகளையும் தாண்டி முன்னேறுவீர்கள். வாகன பராமரிப்புச் செலவு அதிகரிக்கும். வியாபாரம் சூடு பிடித்து நல்ல லாபம் பார்க்கலாம். அலுவலகத்தில் இருந்த குழப்பங்கள் நீங்கும். மேலதிகாரி பாராட்டுவார்.
மிதுனம்: எதிரிகளின் கொட்டம் அடங்கும். விருந்தினர் வருகையால் வீட்டில் மகிழ்ச்சி தங்கும். தம்பதிக்குள் நெருக்கம் அதிகமாகும். வியாபாரரீதியான பயணங்கள் திருப்தி தரும். அலுவலகத்தில் அமைதி காப்பது நல்லது.
கடகம்: குடும்பத்தினருடன் வீண் வாக்குவாதம் வந்து போகும். எதிலும் முன்யோசனையுடன் செயல்படுவது நல்லது. வியாபாரத்தில் பங்குதாரரை அனுசரித்து நடக்கவும். அலுவலகத்தில் தேடிய ஆவணம் கிடைக்கும்.
சிம்மம்: உங்களின் இலக்கை நோக்கி முன்னேறுவீர்கள். அரசால் அனுகூலம் உண்டு. தம்பதிக்குள் அன்யோன்யம் பிறக்கும். பிள்ளைகளால் பெருமையடைவீர். வழக்கில் வெற்றி பெறுவீர். வியாபாரம், உத்தியோகம் சிறக்கும்.
கன்னி: தம்பதிக்குள் இருந்த ஈகோ பிரச்சினை, வீண் சந்தேகம் விலகும். அலுவலகத்தில் புது பொறுப்புகள், பதவிகள் தேடி வரும். வியாபாரத்தில் உங்கள் இலக்கை நோக்கி முன்னேறுவீர்கள். பங்குதாரர் ஆதரவு தருவார்.
துலாம்: எடுத்த பணியை மனநிறைவுடன் முடிப்பீர்கள். பிள்ளைகள் பொறுப்பாக நடந்து கொள்வார்கள். அரசு அதிகாரிகளை சந்திப்பீர்கள். வியாபாரத்தில் பாக்கிகள் வசூலாகும். அலுவலகரீதியாக பயணம் மேற்கொள்வீர்.
விருச்சிகம்: சோர்வு நீங்கி சுறுசுறுப்படைவீர். சிந்தனைத்திறன் அதிகரிக்கும். குடும்பத்தில் கலகலப்பான சூழல் ஏற்படும். பிள்ளைகளின் உடல்நலம் சீராகும். வியாபாரம் சூடு பிடிக்கும். அலுவலகத்தில் உங்கள் கை ஓங்கும்.
தனுசு: தைரியமான முடிவு எடுத்து வெற்றி காண்பீர். வெளிவட்டாரத்தில் மதிப்புயரும். ஆடம்பர செலவை குறைப்பீர். சகோதர வகையில் மகிழ்ச்சி தங்கும். வியாபாரத்தை விரிவுபடுத்துவீர். உத்தியோகம் சிறக்கும்.
மகரம்: குடும்பத்தில் உங்கள் வார்த்தைக்கு மதிப்பு கூடும். உறவினர் வருகையால் வீடு களைகட்டும். வியாபாரத்தில் பங்குதாரரின் ஆதரவால் முன்னேற்றம் காண்பீர்கள். அலுவலகத்தில் சில சலுகைகள் பெறுவீர்.
கும்பம்: குடும்பத்தினருடன் அனுசரித்துப் போகவும். வீண் செலவு வரக்கூடும். வியாபாரத்தில் லாபம் உண்டு. அலுவலகத்தில் பொறுப்புகள் அதிகரிக்கும். சக ஊழியர், மேலதிகாரிகள் பாராட்டுவர். புதிய பதவி கிடைக்கும்.
மீனம்: குடும்ப உறுப்பினர்களின் எண்ணங்களை பூர்த்தி செய்வீர்கள். உறவினர் மத்தியில் கவனமாக பேசவும். வியாபாரரீதியான பயணங்கள் அலைச்சல் தருவதாக இருக்கும். அலுவலகத்தில் அமைதி காப்பது நல்லது.
– ஜோதிஷபூஷண் வேங்கடசுப்பிரமணியன்
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை ‘இந்து தமிழ் திசை’யின் கருத்துகள் அல்ல. |