மேஷம்: குடும்பத்தாரின் விருப்பங்களை பூர்த்தி செய்வீர். தந்தை வழியில் இருந்த மனஸ்தாபங்கள் விலகும். அலுவலகத்தில் உயரதிகாரிகள் உங்களை கலந்தாலோசித்து சில முடிவுகள் எடுப்பர். வியாபாரம் சிறக்கும்.
ரிஷபம்: வெளிவட்டார தொடர்புகள் விரிவடையும். குடும்பத்தில் இருந்த குழப்பம் நீங்கும். ஆன்மிகத்தில் நாட்டம் அதிகரிக்கும். அலுவலகத்தில் நிம்மதி உண்டு. வியாபாரத்தில் கடினமாக உழைத்து லாபம் பெறுவீர்.
மிதுனம்: பிள்ளைகளின் விருப்பத்தை நிறைவேற்றுவீர். பூர்வீக சொத்து பிரச்சினை தீரும். மூத்த சகோதரர் உதவுவார். உத்தியோகத்தில்விமர்சனங்களையும்தாண்டி முன்னேறுவீர். வியாபாரத்தில் மேன்மை உண்டு.
கடகம்: தைரியமாக சில முக்கிய முடிவுகள் எடுப்பீர். பிள்ளைகளால் உறவினர், நண்பர்கள் மத்தியில் மதிப்பு உயரும். கூட்டுத்தொழிலில் பங்குதாரர்கள் ஆதரவாக இருப்பார்கள். அலுவலகத்தில் அமைதி காப்பது நல்லது.
சிம்மம்: யாருக்காகவும் எந்த உறுதிமொழியும் தர வேண்டாம். வியாபாரத்தில் பணியாட்களால் தொல்லை கூடும். கோப்புகளை கவனமாக கையாள வேண்டும். அலுவலகத்தில் வீண் விவாதங்களை தவிர்ப்பது நல்லது.
கன்னி: பிரபலங்களால் ஆதாயமுண்டு. இங்கிதமாக பேசி சுற்றியிருப்பவர்களை அசத்துவீர். பங்குதாரர்களின் ஆலோசனைப்படி வியாபாரத்தை விரிவுபடுத்துவீர். அலுவலகத்தில் எதிர்பார்த்த இடமாற்றம் கிடைக்கும்.
துலாம்: புது திட்டங்களை தீட்டுவீர்கள். உறவினர்,பழைய நண்பர்கள் தேடி வருவார்கள். தாயாரின் மருத்துவ செலவு குறையும். அலுவலக ரீதியாக பயணம் மேற்கொள்வீர். வியாபாரத்தில் பாக்கிகள் வசூலாகும்.
விருச்சிகம்: விலை உயர்ந்த மின்னணு சாதனங்கள் வாங்குவீர். ஆன்மிகம், யோகாவில் ஈடுபாடு கூடும். வியாபாரத்தில் போட்டி விலகும். லாபம் கிட்டும். அலுவலகத்தில் மேலதிகாரிகள் ஆதரவாக இருப்பர்.
தனுசு: உங்களை சுற்றியிருப்பவர்களில் நல்லவர்களை கண்டறிவீர். எடுத்த வேலைகளை விரைந்து முடிப்பீர். பிள்ளைகளால் பெருமையடைவீர்கள். வியாபாரத்தில் பழைய சரக்குகள் விற்றுத் தீரும். உத்தியோகம் சிறக்கும்.
மகரம்: சுறுசுறுப்புடன் செயல்பட்டு முக்கிய பணிகளை முடிப்பீர். சொந்த ஊரிலிருந்து நற்செய்திகள் வரும். குடும்பத்தில் நிம்மதியுண்டு. வியாபாரத்தில் பழைய பாக்கி வந்து சேரும். அலுவலகத்தில் அமைதி காக்கவும்.
கும்பம்: எதிர்பார்த்தபடி சில பணிகளை முடிப்பீர்கள். கணவன் மனைவிக்குள் விட்டுக் கொடுத்து போவீர். வியாபாரத்தில் சில தந்திரங்களை கற்றுக் கொள்வீர். அலுவலகத்தில் புதிய பதவிக்கு பரிந்துரைக்கப்படுவீர்.
மீனம்: எளிதில் முடிய வேண்டிய காரியங்கள் கூட இழுபறியாகும். வீட்டில் குழப்பங்கள் அதிகரிக்கும். அலுவலகத்தில் தேவையற்ற விஷயங்களில் தலையிட வேண்டாம். வியாபாரத்தில் சிக்கல்கள் வரக் கூடும்.
– ஜோதிஷபூஷண் வேங்கடசுப்பிரமணியன்
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை ‘இந்து தமிழ் திசை’யின் கருத்துகள் அல்ல. |