மேஷம்: பிரபலங்களை சந்திப்பதால் மனநிறைவு கிட்டும். தம்பதிக்குள் நெருக்கம் கூடும். வியாபாரத்தில் புது முதலீடு செய்வீர். உத்தியோகத்தில் திருப்திகரமான சூழ்நிலை உருவாகும். மேலதிகாரியின் ஆதரவு கிட்டும்.
ரிஷபம்: அதிகாரத்திலிருப்பவர்களின் ஆதரவு கிட்டும். குழப்பம் நீங்கி தம்பதிக்குள் அன்யோன்யம் பிறக்கும். சேமிப்பு அதிகரிக்கும். வியாபாரத்தில் பாக்கி வசூலாகும். அலுவலகத்தில் அடுத்தவர் விஷயத்தில் தலையிடாதீர்.
மிதுனம்: பிள்ளைகளின் பெருமைகளை மற்றவர்களிடம் சொல்லி மகிழ்வீர். கனிவாகப் பேசி காரியம் சாதிப்பீர். உடன்பிறந்தோரின் ஒத்துழைப்பு உண்டு. வியாபாரத்தை விரிவுபடுத்துவீர். அலுவலகத்தில் மரியாதை உயரும்.
கடகம்: குடும்பத்தில் இருந்து வந்த குழப்பம் நீங்கும். வியாபாரத்தில் முக்கிய பிரமுகர்கள் வாடிக்கையாளர் ஆவர். ஓரளவு லாபம் கிட்டும். உத்தியோகத்தில் சக ஊழியர்கள் உங்கள் ஆலோசனையை ஏற்றுக் கொள்வர்.
சிம்மம்: நிறைவு பெறாமல் இருந்த வேலைகளை முடிப்பீர். பணப்புழக்கம் அதிகரிக்கும். வியாபாரத்தில் பங்குதாரர்கள் ஆதரவாக இருப்பார்கள். அலுவலகத்தில் நிம்மதியுண்டு. வீண் விவாதங்களை தவிர்த்துவிடவும்.
கன்னி: குடும்பத்தினருடன் வீண் வாக்குவாதம் வந்து போகும். முன்கோபத்தை தவிர்க்கவும். வியாபாரத்தில் போட்டிகளை சமாளிக்க போராடுவீர். அலுவலகத்தில் தேடிய முக்கிய ஆவணம் கிடைக்கும். மதிப்பு உயரும்.
துலாம்: துணிச்சலாக சில முக்கிய முடிவுகள் எடுப்பீர். பிள்ளைகளின் உடல்நலம் சீராகும். பணவரவு உண்டு. சகோதரர்கள் உதவிகரமாக இருப்பர். வியாபாரத்தில் லாபம் அதிகரிக்கும். உத்தியோகத்தில் மேன்மையுண்டு.
விருச்சிகம்: உங்களை தவறாக நினைத்த உறவினர்கள், நண்பர்கள் இப்போது உதவிகரமாக இருப்பர்.கூட்டுத் தொழிலில் நல்ல லாபமுண்டு. அலுவலக விஷயமாக வெளியூர் பயணம் இருக்கும். மேலதிகாரி பாராட்டுவார்.
தனுசு: விருந்தினர் வருகையால் வீடு களைகட்டும். உடன்பிறந்தவர்களின் ஆதரவு உண்டு. வியாபாரத்தில் போட்டிகளை சமாளித்து லாபமீட்டுவீர். அலுவலகத்தில் பல வித சூழ்ச்சிகளையும் முறியடித்து வெற்றி பெறுவீர்.
மகரம்: வருமென நினைத்திருந்த பணம் வந்துசேரும். மனைவி, பிள்ளைகளின் விருப்பத்தை நிறைவேற்றுவீர். வியாபாரத்தில் பழைய பாக்கிகளை வசூலிப்பீர்கள். அலுவலகத்தில் கோப்புகளை கவனமாக கையாளவும்.
கும்பம்: குடும்பத்தினரின் ஆதரவு உண்டு. வாயு கோளாறுக்கு மருத்துவம் பார்க்கவும். உத்தியோகத்தில் பணிச்சுமை இருந்தாலும், உரிய அங்கீகாரம் கிடைக்கும். கூட்டுத்தொழிலில் ஏற்ற இறக்கமான சூழல் நீடிக்கும்.
மீனம்: குடும்பத்தில் மகிழ்ச்சி தங்கும். பிறரை நம்பி பணிகளை கொடுத்தாலும் அவற்றை நீங்களே முடிப்பீர். அலுவலகத்தில் தான் உண்டு தன் வேலை உண்டு என்று இருக்கவும். வியாபார ரீதியாக வெளியூர் செல்வீர்கள்.
– ஜோதிஷபூஷண் வேங்கடசுப்பிரமணியன்
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை ‘இந்து தமிழ் திசை’யின் கருத்துகள் அல்ல. |