சமூக வலைதளங்களின் ஆதிக்கம் பெருகிவிட்ட டிஜிட்டல் யுகத்தில், படம் ரிலீஸ் அன்றே அப்படம் குறித்த விமர்சனங்கள் வெளிவருகின்றன. அதிலும், பல முன்னணி ஊடகங்கள் உட்பட பல யூடியூப் சேனல்கள், தியேட்டரில் முதல் காட்சி பார்த்துவிட்டு வெளிவருபவர்களிடம் அங்கேயே படம் எப்படி இருக்கிறது கேட்டு சமூக வலைதளங்களில் வெளியிடுகின்றன. இதில், வேண்டுமென்றே ஒரு படத்தை நன்றாக இருக்கிறது என்றும், வேண்டுமென்றே படம் நன்றாக இல்லை என்றும் ஒரு படத்துக்கு ரசிகர்களே விமர்சனம் செய்வதுபோல வீடியோக்கள் வெளியிடப்படுவதாகவும், தங்களுக்குப் பாதிப்பு ஏற்படுவதாகவும் தியேட்டர் உரிமையாளர்கள் சார்பில் கூறப்பட்டு வருகிறது.